Job 25

Bildad

1 Tua ciangin Shuh mi Bildad in dawng a: ^a

2 “Gam-ukna le kihtakna Pasian aa ahi hi; ^b
amah in vantung a sangna ah thupiakna a bawl hi. ^c
3 Ama galkapte a phazah kisim zo ding ahi hiam?
ama khuavak kua tungah tang lo ahi hiam? ^d
4 Tua ahi ciangin Pasian mai-ah kua thumaan thei peuhmah ding ahi hiam?
Numei sunga suak mi peuhmah bangci siantho thei ding ahi hiam? ^e
5 Ama mit ah khapi nangawn tangpha sa lo a, ^f
aksite nangawn siangtho sa zo lo ahileh ^g
6 tuate sangin tangteel bang lel mihing tapa -
than ahi mihing, nak neu zawk tham lo ding ahi hiam!” a ci hi. ^h